Su problema de sa dereta estrema non pertocat s’Europa ebbia, cun crèschidas eletorales e commemoratziones pùblicas a bratzos tèteros. In Corea de su Sud, pro nàrrere, bundant sos influencer nieddos. Una truma de complotaros chi nadant in sa prataforma Youtube, meda prus sighide de giornales e televisiones, mescamente dae cando s’imprenta cunservadora, cun sas indàgines suas, aiat contribuidu su 2017 a sa destitutzione de sa presidente Park Geun-hye, fìgia de su presidente anticomunista Park Chung-hee chi guverneit in forma autoritària su paisu dae su 1963 a su 1979. Sa parte de dereta de sa sotziedade sudcoreana at duncas tando comintzadu a prefèrrere Youtube. Si contat finamentas de violèntzia polìtica ligada a custu mundu de influencer. S’istiu coladu Seul aiat blocadu sos acount de influencer chi imbetzes faghiant propaganda nordcoreana.
Leave a comment