L’ant bogadu a campu belle duas chidas a como, sos isvilupadores de Google Chrome, su tzàpulu de seguresa (patch) pro currègere sa vulnerabilidade 0day in su browser issoro.
Sa farta (sa nona ocannu) aiat permissu a sos assachiadores informàticos de l’impreare pro conduire atacos ativos e como, cun sa versione 108.0.5359.94/.95 de Chrome (pro Linux, Mac e Windows), su problema diat depet èssere resortu.
De custu 0day pagu s’ischit: petzi chi l’ant identificada comente CVE-2022-4262 e chi pertocat unu problema de “Type Confusion” iscobiadu in su motore Javascript V8 dae su Google Threat Analysis.
Sas conseguèntzias de su 0day in chistione podent èssere duas: su perìgulu de esecutare còdighe arbitràriu dae remotu, e su crash de su navigadore (sa farta l’isfrutant leghende o iscriende sa memòria in foras de su buffer).
Luego Google at a difùndere àteros detàllios, est a nàrrere cando su bonu de sos utentes at a àere retzidu una corretzione.
Gianfranca Orunesu
(foto Wikimedia)
Leave a comment