Chenàbura 8 de austu a sas 19,30 torrat, in Sènnaru, Calici di Stelle. A intro de sa bidda ddo’ant a àere deghe postatziones in ue assagiare su binu produidu dae Agreste Natura, Cantina Leo Conti, Cantina Fara, Cantina Nuraghe Cabrioni, Cantina Mode, Cantina Ruiu, Cantina Sorres, Viticoltori di Romangia, Nico Loriga, Giacomo Urgeghe.
In prus su sòtziu Il Lentischio at a propònnere su muscadu DOC sennaresu. Pro s’ite mandigare ddo’ant a àere postatziones de sa Pallacanestro Sennori, dedicadas a su pratu locale, mutidu su fossu, de su Comitato San Biagio, de su Comitadu Santa Lucia e de su Comitato San Giovanni.
Su ticket si podet comporare in su Centro Turistico in bia Rosa Gambella.
Comente atividades collaterales sunt in programma laboratòrios de su pane in bia Gambella, a incuru de Gianfranca Dettori, de durches, in bia Farina, a incuru de Maria Fara e de corbes, in bia Vittorio Emanuele, e galu: mustra de sa bestimenta traditzionale, cun Vanna Sassu e s’espositzione de Vanni Rocca, sos frores de sa paghe cun Dina e Antonella, s’oreria de Elia Idini, sos cuadros de Pietro Doro, sos traballos in sa linna de Natalino Sechi, s’artista Betty Casula e s’installatzione de Delia Fiori dedicada a sa Palestina.
Sa Associazione Astronomica Turritana at a pònnere a dispositzione telescòpios pro mirare sos isteddos e su coro polifònicu, paris cun su grupos Janas e Sos Femmineddos, s’at a esibire in Sa domo ‘e sos fados.
Organizant Comuna, Pro Loco e Banda Musicale de Sènnaru.
(gm)
Leave a comment