At torradu a abèrrere su Sant’Elia e, a pustis de un’annu e mesu su Casteddu ponet a banda sa faina de is Arenas chi at custrintu s’iscuadra a andare pellegrina a Trieste.
E su Casteddu festat sa ghirada binchende 2-1 cun su Catània. Duas iscuadras chi s’assimìgiant e chi punnant in custu campionadu a si sarvare.
Sa partida la giogant bene, cun sos istràngios chi traballant bene in sa fàscia destra, e su Casteddu chi si ponet in manos de Sau e de Ibarbo. Ma su casteddu collit semper retes. E difatis in un’àngulu de su Catània arribat su rete de Bergessio de Conca: Agazzi non bi podet fàghere nudda, e sos sitzilianos paret chi potzant mantènnere bene in manos sa partita.
Ma a bellu a bellu sa partida mudat, e su Casteddu s’irgrògliat in antis cun Conti a su 19′, e a pustis cun Ibarbo, chi si bortat e ponet sa botza intro.
A su de 40 minutos, Ibarbo s’imberghet a Legrottaglie, chi lu rughet intro de s’àrea: Rigore pro su Casteddu e su defensore a foras, tirat Ibarbo ma Frison su portieri catanesu, bi lu parat.
In su segundu tempus su Casteddu est prus animosu, e s’intrada de Pinill rendet su Casteddu prus periculosu, e a su de 39 minutu sa punta tzilena signat su 2-a cun unu tap-in, e si nche ghetat a gosare in mesu de sos tifosos casteddajos, cuntentos de pòdere bìdere su Casteddu binghende in sa terra sua. Chie ghirat a domo sua no est mai pèrdidu.