Est de pagas dies a oe sa noa trista chi pertocat a s’Asd Ba.D.S. (Basket Disabili Sardegna) de Cuartu Sant’Aleni, assòtziu isportivu chi dae su 1999 est impignadu a ispainare su basket pro persones disàbiles. A dolu mannu, calicunu at furadu duas carrotzinas de giogu e àteru materiale isportivu de importu mannu pro sas atividades. Un’episòdiu grave chi, comente at naradu su diretivu de s’Asd, ponet ostàculos a su caminu de valorizatzione de sa disabilidade in s’isport.
S’assòtziu at organizadu una regorta solidale in gofund.me pro collire su dinari netzessàriu a comporare sas carrotzinas impreadas dae sas atletas Sara e Patrizia.
Chie cheret contribuire a sa càusa podet donare visitende su ligàmene https://gofund.me/49d76ace.
Gianfranca Orunesu
(Foto pàgina Facebook Asd Basket Disabili Sardegna)
Leave a comment