Cante cante in cuddu mundu su Printzipale devet èssere contivigiende sa mùsica… E devet èssere chi li bisongiaiat calicunu a tretu de fàghere sa boghe e sa mesu boghe…
E tando det àere pensadu: a chie mi pigo? E ca Isse totu ischit e totu podet, det àere imbiadu a Santu Pedru a olocustare in carchi librone, de sos mannos chi sunt in cuddoru, e li det àere naradu: “busca·mi un’òmine cun una boghe chi apat incantadu su mundu, chi apat giutu su càntigu a tenore a sos onores prus mannos, chi apat fatu istare a buca aberta sos chi l’ascurtaiant in donzi parte e logu de su mundu, chi apat cantadu sas laudes meas in totue. Anda, coita”
E cusse, ca no ischiat ite si fàghere, giai est tzucadu deretu, e no at àpidu àtere a chie cramare chi no a Pizero, Piero Sanna, sa boghe de su Tenore Remunnu’e Locu de Bitzi, chi dae oe est cantende in cara de Deus e de Nostra Segnora.
Adiosu Pizè, òmine mannu de sa mùsica e de sa cultura de Sardigna.