L’ant a inaugurare lunis in Terranoa sa mustra colletiva “Intrecci”. Pro chimbe dies is bisitadores ant a pòdere ammirare sas creatziones de ses artistas locales installadas in sos locales de su”Refettorio dell’arte”. In prus de bìdere sas òperas s’at a pòdere pigare parte a sa regorta de fundos in favore de su Csm (tzentru de salude mentale) de su cabu de logu gadduresu dirigidu dae sa dotora Luisa Budroni. Sa punna est difatis sa de comporare totu su materiale netzessàriu pro unu murale in s’istrutura de assistèntzia de carrera de Baronia. S’abertura de sa mustra est a sas 5 de merie cun sos traballos de B, Luca Secchi, Mozok, Lisa Fancello, Manuela Carboni e Andrea Agostino Dalias chi s’ant a pòdere bìdere finas a su 17 de freàrgiu, dae sas 10.30 a sas 13 e dae sas 16 a sas 19. Organizat (cun patrotzìniu comunale) s’assòtziu de promotzione sotziale Omnia cunventzionadu cun sa Asl gadduresa e dae tempus ammaniende fainas de inclusione e de integratzione sotziale.
redatzione
Leave a comment