Su 7 de santandria fiat galu santugaine. In Pedrugradu su sole si nch’interinaiat chitzo. Ma s’istòria mudeit cun sas cannonadas de s’Arbèschida (Авро́ра). Fiat su 1917 e sa rivolutzione assartieit sas àeras intrende·nche a Palatzu mancari mantenende raighinas in sos consìgios de sos operajos e de sos sordados chi, si fiat pro sos Romanov o pro Kerenskij, deviant galu mòrrere in gherra contra a àteros operajos sordados. Paghe e terra fiant sos primos faeddos de s’agenda bolscevica, ma finamentas autodeterminatzione de sos pòpulos e libertade sessuale. Sa pelea comintzada su 1905 e torrada a ritza a pustis de s’8 de martzu de su 17 (mancari freàrgiu pro issos), Vladimir Ilich la pongeit in sas tesis suas beraniles. Ma in cussas deghe dies totu mudeit. E s’istòria est istòria.
mp
Leave a comment