Sa Giunta regionale, cun sa proposta de s’assessore a sa programmatzione e bilàntziu Giuseppe Fasolino, at aprovadu su Documentu de economia e finàntzia chi definit sos obietivos de sa Regione pro sos 3 annos imbenientes, dae su 2023 a su 2025.
Su presidente Christian Solinas sutalìniat chi est cumintzadu su percursu de programmatzione pro arribare a sa manovra finantziaria, sa punna est de aviare unas cantas polìticas de isvilupu cussiderende mescamente sa situatzione difitzile de sos ùrtimos meses, cun sas bulletas caras che fogu e una gherra in Europa.
Paris a su desinnu de Lege de istabilidade e bilàntziu pro su 2023, pro sa Regione su Documentu de economia e finàntzia est unu istrumentu in prus de previsione, netzessàriu pro acumprire sos obietivos de sa manovra de bilàntziu.
Mariantonietta Piga