– de Salvatore Serra –
Sa terminologia si definit comente su cumplessu de sos tèrmines e de sas espressiones pròpios de una sièntzia, de un’arte, de una tècnica o de una cale si siat disciplina o atividade ispetzialìstica.
Su traballu terminològicu est fundamentale in sa polìtica linguìstica de sas limbas minorizadas, ca servit a bìnchere sa diglossia.
Operende in custu setore, tocat a cunfrontare sa limba interessada cun sas àteras limbas.
Inoghe, a ghisa de mustra, bos propòngio unas cantas frases in inglesu cun sa tradutzione in sardu.
Oe faeddamus de su eritzu, animale in perìgulu de estintzione
————————————
- The hedgehog population is declining as quickly as that of the tiger
Sa populatzione de su eritzu est minimende in presse comente sa de sa tigre
- Hedgegogs are decreasing in number with the disappearance of woodland and countryside
Sos eritzos sunt semper prus pagos ca sunt iscumparende sos padentes e sos sartos
- Hedghogs particularly like eating worms, along with insects and other small creatures
A sos eritzos lis agradat mescamente a mandigare bermes, e finas babautzos e àteros èsseres minores
- A club is encouraging people to help make what’s known as “hedgehog highway”
Un’assòtziu est animende sa gente a agiuare a fraigare sa chi est connota comente “autostrada de sos eritzos”
- Hedgehogs can pass betwen gardens through fences or via a tunnel which neighbours create
Sos eritzos podent andare dae unu giardinu a s’àteru colende in mesu de sas tancaduras o pro mèdiu de gallerias realizadas dae sos bighinos
- It is better not to remove the leaves from a garden, as they can be used to shelter hedgehogs
Est mègius a non nche bogare sas fògias dae sos giardinos, ca si podent impitare pro dare reparu a sos eritzos
- Hedgehogs have good climbing skills
Sos eritzos sunt bravos a beru a s’apiligare in sos logos
- If a sick hedgehog is found, the best place to take it is a local rescue centre
Si unu agatat unu eritzu chi istat male, su logu mègius de nche lu giùghere est unu tzentru locale de sucursu
Leave a comment