Andria Mura at bìnchidu sa regata Ostar, nch’at rugradu s’Atlànticu a sa sola in 17 dies, 10 oras e 22 minudos e est intradu a Newport pagu prus a tardu de eris a mesanote.
Su velista casteddaju est mòvidu dae Plymouth in Inghilterra , e cun Bentu de Sardigna, gosi l’at postu a sa barca sua, est istadu su primu a nche acumprire su percursu. Mura at bìnchidu s’editzione n. 13 de sa “Original Singlehanded Trans-Alantic Race”, ammaniada dae su “Royal Western Yacht Club” .
Su trimaranu Branec IV cun su frantzesu Roger Langevin nch’est arribadu a pustis meda. Sos velistas fiant mòvidos su 27 de maju, e Andria Mura est pàrsidu istracu meda. In custas die aiat naradu chi custa regata est sa prus difìtzile de sas chi at fatu.
Andria Mura, chi est intradu a Newport cun sa bandera de sos Bator Moros, est su primu italianu a bìnchere sa Line Honours a caddu a unu motoscafu.
