Su 23 de martzu in su tzìnema Moderno de Tàtari essit Ananda, pellìcula de Stefano Deffenu.
Su filmi, documentarìsticu, est ambientadu in India, in s’Himalaya, e su tema est su biàgiu interiore a s’iscoberta de sa tribù de sos pitzinnos pantasmas.
Su regista, giai atore e iscenegiadore, at iscritu sa pellìcula cun Bonifacio Angius, produtore de s’òpera cun Il Monello Film cun s’agiudu de sa Sardegna Film Commission e de sa R.A.S. Paris cun Deffenu e Angius sos cumposidores de sa mùsica, Luigi Frassetto e Francesco Simula ant a faeddare de Ananda cun sa moderatzione de s’atore e regista Domenico Montixi.
Deffenu est nàschidu in Tàtari in su 1978 e a pustis de sa realizatzione de curtzumetràgios at traballadu in sas pellìculas de Angius Sa Gràscia, Perfidia e I Giganti.
(redatzione)
Leave a comment