Si nch’est mortu oe Carletto Mazzone, un’istitutzione de su fùbalu, forsis sa prus manifestatzione autèntica de sa ghia de unu grupu. Un’allenadore, unu babbu. Medas sas iscuadras chi si sunt intregadas a sas paràulas suas. Comintzende dae su Cagliari. E medas sos giogadores de vàllia chi li poniant mente: Fabian O’Neill, Roberto Muzzi, Roberto Baggio, Francesco Totti, Pep Guardiola, Marco Materazzi, Giuseppe Signori e Dario Hubner. Nàschidu in Roma 86 annos a como, at ghiadu sas iscuadras suas pro 792 partidas. Sos faeddos de mister Claudio Ranieri totu narant: «Si nch’est andadu unu maistru». Adiosu Carle’.
redatzione (deretos immàgine cagliaricalcio.com)
Leave a comment