Oe si sunt atopados su Ministru de s’ambiente e de sa siguresa energètica, Gilberto Pichetto Fratin, e su Presidente de sa Regione Sardigna, Christian Solinas, pro faeddare de sas chistiones chi pertocant sa gestione de s’energia in s’ìsula. S’ischit chi b’est istada in su barigadu carchi cuntierra minore, ma como paret totu torradu borta. Finas si sas duas istitutziones non ant firmadu unu protocollu d’abatu, ant bogadu a campu unu comunicadu fatu in paris, chi podet tancare sa chistione. Nessi pro como.
In s’acordu ant seberadu de fàghere siat sa retza pro su gas, cun sos gassificadores progetados in Portu Turre e in Casteddu, ma fintzas de andare a dae in antis pro su fràigu de su Mediterranian Link, su cavu chi at a colare a suta de su mare pro batire a fora s’eletritzidade produida in s’ìsula. Su Ministèriu at promitidu de fàghere sas bonìficas in sos tretos interessados dae luòngiu e de contivigiare meda sos traballos e sos giassos in ue ant a colare sas infrastruturas.
(redatzione)
Leave a comment