Su 29 e su 30 de abrile est in programma in su Museu de sa Bonìfica de Arborea su Festival linguìsticu e literàriu de sas ACLI provintziales de Aristanis, cun sa diretzione artìstica de Vincenzo Pisanu.
Su 29 sa presidente Daniela Masia at a faeddare de Pedru Casu, a coa Mario Marras e Maurizio Virdis ant a faeddare de poesia tataresa e campidanesa. Sos àteros interventos ant a èssere de Pino Tilocca, dirigente IIS De Castro de Aristanis, pro sa situatzione de s’iscola, de Paolo Vanacore cun un’ammentu de su grupu folk de Aristanis, de Roger Emmi, cun un’interventu subra sa Sartìllia, de Luigi Muscas, pro sa repentina e de Luciano Cadeddu, cun Poesia della terra.
Domìniga est imbetzes dedicada a artistas e poetes, cun interventos e leturas de Clara Farina, Antonio Matzeu, Gigi Angeli, Antonello Bazzu, Tetta Becciu, Maria Giuliana Campanelli, Gonario Carta Brocca, Eliano Cau, Luciano Corona, Margherita Castro, Gianfranco Garrucciu, Stefano Flore, Vittoriana Perotto, Giovanni Piga, Giampaolo Salaris, Carmen Salis, Paolo Sanna, Luigi Suergiu, Giuseppe Tirotto e Giangavino Vasco.
(redatzione)
Leave a comment