Est aberta s’iscritzione a s’editzione de ocannu de su Babel Film Festival, dedicadu che a semper a sas minorias linguìsticas.
Sa manifestatzione est in programma dae su 2 a su 7 de santugaine. S’iscritzione si podet fàghere in lìnia a su situ https://filmfreeway. Su regulamentu est in su situ de su Festival: babelfilmfestival.com.
Sos diretores artìsticos sunt Antonello Zanda, Tore Cubeddu e Paolo Carboni. Sas setziones sunt duas: cudda ufitziale, cun pellìculas in una limba minoritària nessi a su 50%, e cudda collaterale cun sas sutasetziones suas.
Ddo’est finas su prèmiu Kentzeboghes, riservadu a òperas in sas limbas de Sardigna, promòvidu dae Associazione Culturale Babel, in collaboratzione cun Società Umanitaria – Cineteca Sarda de Casteddu, Ejatv, Areavisuale e Associazione Boxis.
(redatzione)
Leave a comment