B’at tempus fintzas a su 15 de cabudanni pro pigare parte a sa XVII editzione de su prèmiu literàriu “Antonio Gramsci” ammaniadu dae s’assòtziu “Casa natale” de Abas. Chie si siat podet partetzipare a una o a prus setziones de a sas chi sunt inditadas in su bandu:
I Poesia inèdita in Limba sarda – Prèmiu “Peppino Marotto” – Tema lìberu
II Poesia èdita in Limba italiana – Prèmiu “Maria Fenu” – Tema lìberu
III Contu inèditu in Limba sarda – Tema lìberu
IV Contu inèditu in Limba italiana – Prèmiu “Augusta Miscali” – Tema lìberu
V Sagìstica – Prèmiu “Giorgio Baratta” – Tema gramscianu: Oprimidos e opressores
VI Romanzu gràficu – Tema gramscianu: Oprimidos e opressores.
Sa tzerimònia de premiatzione at a èssere su 22 de ghennàrgiu de annoas in sa domo nadia de su rivolutzionàriu sardu.
màuru piredda
Leave a comment