Sa corte costitutzionale at declaradu chi no est de ammìtere su ricursu chi sa RAS at presentadu in su mese de austu de su 2012 contra a sa nota de su Ministèriu de s’economia e de sas finàntzias una parte de su dinari chi tocat a sa Sardigna.
Sa consulta at atzetadu sas resones de s’abogadura de s’Istadu, narende chi sa Regione no at tzentradu su puntu giustu, e chi “In sa nota” -narat sa consulta- “no essit a campu sa boluntade de s’Istadu de non torrare su dinari chi devet a sa Regione”.
“sena duda peruna”-sighit sa Consulta- “a sa Regione Sardigna noghet custu ritardu in su pagamentu de su chi li devet s’Istadu, tocat duncas de mediare custa situatzione tramudende in presse sas risorsas chi chi ispetant a sa RAS”
Su guvernadore Ugo Capellacci narat chi in sa sustàntzia sa Consulta at atzetadu su ricursu de sa Regione, e at ammissu chi s’Istadu Italianu b’at bufos cun sa Sardigna e cun sos Sardos.
“Amus a andare a dae in antis” narat su guvernadore “pro fàghere ischire chi s’Istadu no at acumpridu a su chi deviat, sa chistione de sas intradas devet sighire chene dudas, e gai matessi su patu de istabilidade cheret cunformadu a s’art. 8 de s’istatudu nou, pro chi sas risorsas si podant imperare pro s’economia, pro sa gente e pro sos territòrios”.
“S’isetu est chi su guvernu nou” -concruit Cappellacci- “ascurtet sa boghe de sos Sardos”