Est essida A sa festa de Alà, cantzone chi cuntenet sa versione musicada de sa filastroca “custu est su porcu, custu dd’at mortu…” connota in totu sa Sardigna.
S’autore est Tore Fazzi, alaesu e connotu massimamente pro s’esperièntzia cun su grupu de sos Collage, chi at chertu pònnere in mùsica sos ammentos de pitzinnia in sa bidda nadia.
Su vìdeu in youtube, a pustis de tres chidas, nch’at giai coladu sas chentu mìgia visualizatziones. Dd’ant giradu in Alà cun sa partetzipatzione de su coro Sant’Austinu.
Custa est sa segunda cantzone de Fazzi comente solista e paris cun sa prima, In ue naschet su sole, cantada cun Maria Giovanna Cherchi, at a fàghere parte de un’album, totu in sardu, chi at a essire como a presse, realizadu cun sa partetzipatzione de àteros artistas de su panorama musicale isulanu.
(redatzione)
Leave a comment