Sèberos de Sarvadore Serra leados dae s’òpera “Tilda de Reni, atora” de Antonio Corsarcata publicada dae NOR in su 2014 (colletzione Isteddos).
Si mossigaiat sas lavras, rujas e sutzosas che muraterra. Cantu li praghiant nuscos e sabores de cremas de trucu. Li praghiat su ruju forte, “rouge passion”. Pedde de portzellana, lavras rujas e bestimenta niedda. Si lu bidiat su nùmene suo in sas insegnas lughentes de su Moulin de la Galette, de su Moulin Rouge, de su Chat Noir o de su Folies Bergère.
Leave a comment