Sèberos de Sarvadore Serra
leados dae s’òpera Sos vantos de su machine (Stultitiae laus)
de Eràsimu de Ròterdam traduida in sardu dae Albino Pau
e publicada dae Condaghes in su 2009.
Totu tzàntzaras de s’òmine sunt cussas fatas a palas meas e ja l’isco bene cantu mala siat sa numenata chi mi pertocat tambene tra sas pessones prus macas; epuru sa cosa curiosa est chi jeo, petzi jeo, resesso a agajare chin sa deina potestate mea a òmines e deinos.
Si potet iscuntrobare chin custu cussiveru: bonus chi mi fia paratu a facher sa parlata cara a totu custu tropèliu, deretas sas caras vostras si sunt iscraritas de una luche nova mai vista, e luego aìatzes aparisatu sos agruntzos in cherveddos e tzocatu sas manos chin unu risu prenu de ispaju.
E pro custu vois, chi so bidenne inoche abovatos dae onzi parte e locu, mi parites imbreacos de su vinu selestu de sos deinos de Omeru, vinu chin azanta de un’atzicu de nepente.
Leave a comment