In Catalugna sunt oras de timoria. S’unione de totu sos partidos natzionales JpS (dereta e manca in pare) at bisòngiu de sos pagos votos de sa CUP (estrema manca indipendentista pseudoanaàrchica) pro dare inghitzu a su guvernu de Arturo Mas e a su protzessu indipendentista definitivu. Ma custas dies coladas custa formatzione at detzisu de non dare s’apògiu suo a Mas decretende de fatu sa fine de s alegislatura a tres meses dae su votu.
Est debadas a nàrrere chi totu sa Catalugna natzionale pranghet de custa detzisione, mentres totu sos ispagnolistas sunt cuntentos mannos. Ma sa cosa chi at leadu s’atentu nostru est istadu a bìdere comente setores de s’estrema manca indipendentista sarda at giustificadu e s’est intesa a prope a sa CUP. Cumportamentu chi, finas si legìtimu, non lassat dudas de comente resonant fortzas chi anteponent sa gherra de classe a cussa natzionale. E semus in su 2016 !!! est pro cussu chi amus pedidu a Giagu Leddu (chi istat in Barcelona) unu cummentu curtzu suo subra custas peleaschi publicamus inoghe
Giagu at iscritu:
Artur Mas, Presidente de Catalugna, est apogiadu diretamente dae su 40% de sos votantes catalanos, e a manera indireta dae àteros meda, dae medas votantes de sa CUP e dae calicunu àteru in unu partidu chi non s’est definidu. Custu s’aversàriu l’ischit bene meda e est pro custu chi cheret chi isse ruat.
Rutu Mas est partida bìnchida. E chie binchet? Binchet sa caverna ispagnola, sos nebodeddos de Franco, sos fìgios de sos chi apogiaiant a Franco e como sunt isparminados in totu sos partidos, fintzas in sos democràticos; binchent sos anticatalanistas de semper, sos connotos e sos chi s’ischint caratzare bene.
Totu custos – at tancadu Ledda – ant istupadu in domo issoro sas ampullas de binu e de ciampagna prus bonu chi teniant pro festare su no a Mas>.
Est fantaiscèntzia a pensare chi una cosa gasi potzat capitare in Sardigna. Ma su meledu tocat a lu fàghere.
Non si cheret intrare in arresonos de traitoria, chi diat èssere istadu fàtzile, e nen de covardia, nen de crìtica a tzertas positziones tipu “Lotta Continua” chi tzirculant in Sardigna. E nemancu de gente chi si nch’intrat in su mundu de sa limba e de sa natzione pro promotzionare àteras ideas. Amus lèghidu s’artìculu de “Il manifesto sardo”: visione de grupigheddu italianu de 40 annos a como.
E si puru semus semper prontos a istrangiare calesisiat parre, mancari in sardu, bene, LS2.0 la pensat a manera totalmente diferente.
dir
Leave a comment