Depiat capitare custu puru e est capitadu. Sa Regione Sardigna, chi diat dèpere gherrare die cun die pro amparare su sardu dae chie narat chi est unu dialetu, at imbetzes definidu su friulanu – limba in sa matessi cunditzione de cussa sarda – “dialetto”.
Est acuntèssidu custas dies coladas in unu comunicadu ufitziale publicadu in su situ de sa Regione in ue si faeddaiat de sa data sarda de su Suns, festival de sa cantzone in limba de minoria organizadu dae s’Agèntzia de sa Limba Friulana Arlef. Sa Regione at, cun meressimentu, gastadu 40 mìgia èuros, pro fàghere in Sardigna custu eventu ideadu dae sos friulanos, ma posca at fatu custa gaffe.
S’est chesciadu finas su deputadu Mauro Pili chi cun unu post in Facebook at fatu notare custa cuntraditzione manna de sa Regione chi at arriscadu de seguru de ofèndere sos friulanos chi ant a partetzipare sabudu chi benit a su cuntzertu. A oe risultat chi in fines una manu piedosa at curretu su comunicadu e postu “lingua friulana”. Bene meda.
leghe inoghe s’artìculu curretu
http://www.regione.sardegna.it/j/v/25?s=293961&v=2&c=155&t=1
Su deputadu Mauro Pili aiat iscritu in su perfilu personale suo de Facebook:
e dunque il friulano è un dialetto!
per la regione Sarda la promozione delle lingue minoritarie parte con i migliori auspici della cantonata. Il comunicato stampa in rete, nel sito della regione, inizia con un’affermazione improponibile: parola in dialetto friulano. Ebbene, questa è la considerazione e l’attenzione che si ha per una lingua minoritaria, quella friulana, equiparata costituzionalmente a quella sarda.
Lingue, non dialetti! Una battaglia storica per il riconoscimento della Lingua minoritaria e poi con una superficialità disarmante quelli che dovrebbero difenderle le trasformano in dialetti.
Complimenti!
Ma totu est bene su chi bene finit…
Leave a comment