Amiga, amigu
ses cumbidada/u a sa segunda editzione de sa “Festa de su Sardu Ufitziale” chi s’at a fàghere in Òschiri sàbadu 26 e domìniga 27 in sa sede de sa fundatzione Giovanna Sanna in Piazza Monsignor Bua.
Ant a èssere duas dies de dibàtitu cara a cara subra sos temas de sa polìtica linguìstica, ma mescamente s’ocasione pro nos bìdere a pare a manera lèbia, pro nos addobiare, ispassiare, connòschere e reconnòschere in allegria e cun salude.
A banda sas “traditzionales” assemblea, cunvegnu e mesa de arresonu polìticu at a èssere possìbile a agatare una mustra de libros, sa mustra “Catalanu, limba de Europa” a incuru de su guvernu de Bartzellona, videos, artigianadu, mùsica traditzionale e su sero de sàbadu a sas oto finas unu cuntzertu de sa cantante Carla Denule.
T’amus a contare de sa proposta de lege orgànica chi amus fatu e de comente su Cussìgiu de s’Europa nos at chircadu pro ischire si est beru chi s’istadu italianu discrìminat sa limba sarda.
Su Coordinamentu Sardu Ufitziale at cuncordadu finas chena e pràngiu sotziale pro su sàbadu sero e sa domìniga a prejos cunventzionadu cun menù finas pro tzelìacos e veganos. Sa domìniga bìsita archeològica ghiada a su situ de Santu Istèvene.
Beni a sa sola, cun amigos o cun sa famìlia, in suta ti damus informatziones finas pro corcare a baratu. Sa limba tenet bisòngiu finas de tene e de s’unidade nostra, mescamente a dies de oe.
A nos bìdere sanos
Coordinamentu pro su Sardu Ufitziale
sardufitziale@gmail.com
Inoghe in suta as a agatare
1) Programma de s’eventu
2) Indicos Pro Oschiri
3) Indicos pro corcare
4) Menù pro chena e pràngiu
IMPORTANTE !!! PRO MANDIGARE E CORCARE BOS DEPIDES PRENOTARE
BOIS TELEFONENDE O ISCRIENDE
Festa de sa Limba Ufitziale – Die Europea de sas Limbas
PROGRAMMA
Sàbadu 26 e domìniga 27 de cabudanni, pro sa Die Europea de sas Limbas, su Coordinamentu pro su Sardu Ufitziale (Csu) cuncordat sa “Festa de sa Limba Ufitziale”.
Sas duas dies de festa s’ant a fàghere in Òschiri in sa sede de sa Fundatzione Giuanna Sanna in pratza Monsignor Bua.
Programma sàbadu 26 de cabudanni:
– a sas 16.00: introduida de Roberto Carta e relata (curtza) de sos rapresentantes de su Csu Giuseppe Corronca, pro acrarire ite est, a ite serbit e ite tretu at fatu sa limba ufitziale, e de Manu Ennas pro su chi pertocat su mundu de sos media e sa relata cun sa limba sarda
– a sas 16.30: mesa de arresonu in contu de sa polìtica linguìstica in Sardigna cun polìticos de partidos e movimentos sardos. Ant giai dadu cabu de sa presèntzia Joan Adell, Efisio Arbau, Giovanni Columbu, Bustianu Cumpostu, Roberto Deriu, Mauro Pili, Christian Solinas. Àteros l’ant a fàghere sa chida nch’intrat. Giuseppe Corongiu, imbetze, at a presentare sa relata de su Csu a su Cussigiu d’Europa contra de s’Istadu italianu pro su male tratare sa limba sarda. Pro cumprire dibata aberta a totu.
– a sas 20.00: interventu de sa cantante Carla Denule cun paràulas e cantzones
– a sas 21.15: chena sotziale
Programma domìniga 27 de cabudanni:
– a sas 09.30: assemblea e dibata de su Coordinamentu pro su Sardu Ufitziale contivigiada dae Paolo Mugoni e Salvatore Serra, aberta a totu e cun faeddadas de intelletuales, dotzentes, polìticos, operadores de sa limba, iscritores, poetes, militantes e tzitadinos cale si siat;
– a sas 12.00: istèrrida e votatzione de su documentu finale de s’assemblea de su Coordinamentu pro su Sardu Ufitziale. A sighire àtera presentatzione de unu documentu, fatu dae su Csu, apretadu dae su Cussìgiu d’Europa, de denùntzia in sos cunfrontos de s’Istadu Italianu pro su malu tratare sa limba sarda.
– a sas 13.00: pràngiu sotziale
– a sas 15.00: bisita ghiada in limba sarda (dae Giorgi Pala) a s’altare de Santu Istèvene
Pro totu sas duas dies b’at àere espositziones de libros publicados dae editores sardos e diferentes momentos de mùsica sarda. Sa Festa de sa Limba Ufitziale at a istrangiare finas sa mustra “Català in Europa” a incuru de su guvernu catalanu (giai presentada, cun 800.000 bisitadores, in su Museu de su Barca), film curtzos in limba sarda de s’autore Gianni Langiu e produtos de sos mastros artigianos oschiresu.
Comente lòmpere in màchina dae Casteddu a Òschiri (in Pratza Monsignore Bua)
Leade sa SS131 e lòmpide a su km 178,9, in cue bortade pro Mores-Ozieri, bos ais a agatare in sa SS128bis. Pagos chilòmetros e, in antis de intrare in Mores, bortade a manca pro leare sa SP20. Posca de 500 metros bortade a destra e gasi fatende ais a intrare in sa SP63. Dae in cue ais a arribare a “s’ipodromo” de Chilivani, sighide su caminu pro Olbia e posca de carchi chilòmetru podides intrare in sa SS597 (Sassari-Olbia). Posca de 15 chilòmetros lompides a su bìviu pro Òschiri. Intrados in sa bidda ais a èssere in Via Roma, semper a deretu finas a su primu stop (cun Via Umberto I). Andade deretos e intrade in Via Monsignore Bua, sa pratza est a 100 metros.
Comente lòmpere in màchina dae Nùgoro a Òschiri (in Pratza Monsignore Bua)
Leade sa SS131bis e ponide·bos in caminu pro Olbia. A su bìviu pro Olbia leade s’istrada pro Sassari. Posca de 40 chilòmetros agatades su bìviu pro Òschiri. Intrados in sa bidda ais a èssere in Via Roma, semper a deretu finas a su primu stop (cun Via Umberto I). Andade deretos e intrade in Via Monsignore Bua, sa pratza est a 100 metros.
- In ue dormire in sa bidda:
B&B “Funtana” (Via Trieste) – Tel. 079 733738 o 328 2944030 (3 aposentos, 6 postos)
B&B “Olaspri” (Viale Umberto I, 15) — Tel. 079 734388 (3 aposentos, 6 postos)
B&B “Sa rosa de su traperi” (Via Pola, 11) – Tel. 079 733436 o 346 4323670 (3 aposentos, 6 postos)
B&B “Su portale de sa inzazza” (Via Monsignor Bua, 28) – Tel. 349 4379662 (3 aposentos, 6 postos)
- In ue dormire in foras de sa bidda:
Centro di turismo rurale “Villa del lago Coghinas” (loc. Mandras, in su lagu Coghinas a 5 chilòmetros dae sa bidda) – Tel. 338 7145131 (10 postos)
B&B “In Sigalesa” (loc. Sigalesa, pagu in antis de su lagu Coghinas a 4 chilòmetros dae sa bidda) – Tel. 329 8513939.
In bidda e in foras sos prètzios sunt pagu prus o mancu custos:
– s’aposentu cun letu matrimoniale pro duos cun letos sìngulos benint fatos pagare dae € 50,00 a € 60,00 cun s’ismurzu
– s’aposentu pro duos ma impitadu comente sìngula (a balla sola duncas) dae € 25,00 a € 30,00 cun s’ismurzu.
SEBERADE PRO MANDIGARE E PRENOTADE
Menù 1 – Chena antipastu (€ 12,00)
Primu
- Macarrones cun bagna de petza (o cun pumata o picantes)
Segundu
- Sartitza cun pomu de terra arrustidu
Durche
- Seada
Cafè
1/2 Abba o 1/4 Binu
Onni cosa in prus chi benit leada, a mandigare e a bufare, tocat de la pagare a banda dae su prètziu de su menù.
Sa tratoria si narat “Bistro’ de Marta Pala” e s’agatat in Pratza Dante n. 11 (a 200 metros dae sa Fundatzione Sanna). Pro prenotare cramare a su nùmeru 079/733709 o si nono imbiare un’e-mail a robcarta@hotmail.com. Faeddende cun su Bistro’ podides finas pedire e cuncordare àteru, a praghere bostru.
Menù 2 – Veganu (€ 12,00 )
Antipastu
- Berduras a sa grillia
Primu
- Macarrones cun pumata
Àteru
- Berduras o legumes
Cafè
1/2 Abba o 1/4 Binu
Onni cosa in prus chi benit leada, a mandigare e a bufare, tocat de la pagare a banda dae su prètziu de su menù.
Sa tratoria si narat “Bistro’ de Marta Pala” e s’agatat in Pratza Dante n. 11 (a 200 metros dae sa Fundatzione Sanna). Pro prenotare cramare a su nùmeru 079/733709 o si nono imbiare un’e-mail a robcarta@hotmail.com. Faeddende cun su Bistro’ podides finas pedire e cuncordare àteru, a praghere bostru.
Menù pro celiacos (€ 15,00)
Antipastu
- Berduras a sa grìllia
Primu
- Macarrones chena glùtine (cun bagna)
Segundu
- Panadas chena glùtine (cun petza)
Durche
- Amaretes sardos
Onni cosa in prus chi benit leada, a mandigare e/o a bufare, tocat de la pagare a banda dae su prètziu de su menù.
Sa tratoria si narat “Bistro’ de Marta Pala” e s’agatat in Pratza Dante n. 11 (a 200 metros dae sa Fundatzione Sanna). Pro prenotare cramare a su nùmeru 079/733709 o si nono imbiare un’e-mail a robcarta@hotmail.com. Faeddende cun su Bistro’ podides finas pedire e cuncordare àteru, a praghere bostru.
Menù € 15,00
Antipastu
- Sartitza e casu
Primu
- Cicioneddos/Maloreddos (cun bagna)
Segundu
- Panadas oschiresas (cun petza)
Àteru
- Berduras
Cafè
- 1/2 Abba o 1/4 Binu
Onni cosa in prus chi benit leada, a mandigare e/o a bufare, tocat de la pagare a banda dae su prètziu de su menù.
Sa tratoria si narat “Bistro’ de Marta Pala” e s’agatat in Pratza Dante n. 11 (a 200 metros dae sa Fundatzione Sanna). Pro prenotare cramare a su nùmeru 079/733709 o si nono imbiare un’e-mail a robcarta@hotmail.com. Faeddende cun su Bistro’ podides finas pedire e cuncordare àteru, a praghere bostru.
Menù chena primu (€ 15,00)
Antipastu
- Berduras a sa grìllia
- Sartitza e àteru imbartzu
Segundu
- Panadas oschiresas (cun petza)
Àteru
- Casu
Durche
- Seada
Cafè
1/2 Abba o 1/4 Binu
Onni cosa in prus chi benit leada, a mandigare e/o a bufare, tocat de la pagare a banda dae su prètziu de su menù.
Sa tratoria si narat “Bistro’ de Marta Pala” e s’agatat in Pratza Dante n. 11 (a 200 metros dae sa Fundatzione Sanna). Pro prenotare cramare a su nùmeru 079/733709 o si nono imbiare un’e-mail a robcarta@hotmail.com. Faeddende cun su Bistro’ podides finas pedire e cuncordare àteru, a praghere bostru.
pro informatziones iscrivide a sardufitziale@gmail.com
Eite ole narre prangiu/chena sociale? Este un’atera opportunidade de podere papae (sempere pacanno), peri chi non insepero sa trattoria o ateros locos, o ite?
Gratias.
Cheret nàrrere chi amus fatu una cunventzione cun unu ristorante pro fàghere menù a preju baratu e mandigare paris. Ma si cheres andare a àteru logu bi diat mancare