Lìteras, s'app pro giogare in sardu e imparare

Calicunu diat crèere galu chi a imparare sa limba sarda si podet faghere petzi abbassadu in libros prenos de prùere, chi faeddant de folclore ebbia. Bois seis apassionados de giogos de paràulas? A bois bos praghet ‘Ruzzle’, ‘Paroliamo’? Bois ais semper disigiadu de giogare in sardu cun su smartphone? Pro bois b’est Literas!

 
Literas est un’app pro smartphone, chi est gratis in App Store e Google Play. Est nàschida pro agiudare is giogadores pro imparare s’ortografia de sa Limba Sarda Comuna. Dd’at isvilupada acagliari.it, software house ativa meda in sa realizatzione de òperas de didàtica in limba sarda e mere de su giornale online Sardegna Oggi.

 
“Amus bidu chi, mescamente pro is giòvanos, b’at interesse meda pro sa limba sarda – at afirmadu Andrea Assorgia, su mere de sa software house – personas medas dda impreant pro iscrìere in sos social network, ma mescamente tenent dificultade a impreare s’ortografia esata: Lìteras est nàschida cun s’iscopu de ispassiare in paris a s’obietivu de imparare sa limba sarda”.

 
S’insignamentu de una limba pro mèdiu de is giogos no est una novidade, ma finas a immoe nemos aia pensadu de portare is giogos in sardu su smartphone. Su sistema est fàtzile meda pro chi giai impreat custa genia de giogu cun is limbas, si depet petzi trisinare su didu in sas literas chirchende de formare una paràula. Cando si emitet una paràula su software còmpidat chi sa paràula esistit in su ditzionàriu e chi est iscrita in manera curreta, s’at a bìere ismanniare su puntègiu: prus est manna sa paràula, prus mannu at a èssere su nùmeru. “A chie benint sas presses pro is giogos chi sunt a tempus comente Ruzzle o Paroliamo at a agatare una novidade” sighit Andrea Assorgia. “Literas non tenet tempus fissu: cando si iscriet una paràula esata su tempus ismànniat e si podet provare galu a giogare”.

 
Su ditzionàriu impreadu de su giogu est cussu de su Cros (Correttore Ortografico Sardo) realizadu de Condaghes e finantziadu cun su Servìtziu Limba Sarda de s’assessoradu regionale a sa Cultura.

 
In pagos dies is apassionados de Literas ant iscarrigados medas bortas su giogu de is duos ‘stores’. Sa ‘software house’ at giai naradu ca est pronta a ismanniare su giogu. A s’internu de sa matessi app est presente unu giassu internet pro imbiare is sugerimentos.

 
Bonu ispàssiu.