Ufìtziu limba sarda Meilogu (Boruta, Turalva, Tiesi)
Juvanne Frantziscu Zola est s’allenadore nou de su Casteddu! Totus sos sardos si nde cuntentant isperende chi, cun s’annu chi est a proa a comintzare, s’iscuadra nostra torret a bìnchere finas a conchistare chirros prus artos in sa classìfica.
Ma cun Zola sa Sardigna intrea podet lòmpere a àteros resurtados. A comintzare dae s’afortiamentu de sa limba nostra.
Pro mèdiu de custa pàgina li pedimus, cun amore e a discansu, de s’indiritzare in sardu a sos giornalistas sardos cando l’ant a intervistare in italianu. Pensamus, si isse cheret, chi sos traballadores de s’informatzione no apant dificultade a cumprèndere sa faeddada ulianesa sua; e pensamus chi, a bellu a bellu, finas issos potzant fàghere sas pregontas in sardu.
Diat èssere cosa bona a nch’intrare mègius su sardu in sa televisione e in sos àteros mèdios de comunicatzione pro mèdiu de unu personàgiu, amadu dae totus sos sardos, che a Juvanne Frantziscu Zola.
Tocat a bi creere! E a sustènnere su Casteddu e sa limba sarda comente chi esserent sa matessi cosa!
E tando pone “mi piace” e cumpartzi sa pàgina!
Leave a comment