Su presidente de su Paraguay Santiago Peña s’est dimìtidu. Sa càusa de custa detzisione est su fallimentu de sa banca Ueno, chi at lassadu sena de dinari milliones de paraguayanos. Peña finas a su 2025 fiat atzionista de sa holding Ueno e pro custu motivu est acusadu de èssere responsàbile issu puru de su crack finantziàriu de s’istitutu bancàriu.
Sas dimissiones però no ant a firmare su protzessu contra a issu de su parlamentu.
Peña, economista, fiat in càrriga dae su 2023, elègidu in sas filas de su Partido Colorado, su partidu cunservadore de su paisu sudamericanu.
Sa Ueno, nàschida comente finantziària in su 1976, aiat otènnidu pròpiu in su 2023 dae sa Banca Tzentrale de Paraguay, presèdida dae Carlos Carvallo Spalding, s’autorizatzione a operare comente banca.
Carvallo Spalding, in antis de s’incàrrigu istitutzionale, fiat unu de sos dirigentes de sa Ueno. Issu puru s’est dimìtidu.
(gianni muroni)
Leave a comment