S'ex tzìnema teatru de Fertìlia passat a sa Comuna de S'Alighera

S’ex tzìnema de Fertìlia est istadu comporadu, a su prètziu simbòlicu de 1 èuro, dae sa Comuna de S’Alighera. In istadu de abbandonu dae prus de trinta annos, s’istàbile fiat propiedade de sa Regione. Paris cun su tzìnema sa Comuna at comporadu, semper a 1 èuro, s’àrea a inghìriu de 360 metros cuadros.

Su tzìnema teatru, chi s’agatat in su Lungomare Rovigno, dd’aiant fraigadu in su 1936 e tenet 200 postos a sètzere.

S’operatzione de passàgiu de propiedade dd’ant formalizada su 16 de cabudanni in Casteddu, in s’assessoradu a su Demàniu e Patrimòniu.

(gm)