Su 5 de cabudanni in Monteleone ddo’est sa de 43 editziones de Voci d’Europa, festival dedicadu a sa polifonia vocale, a intro de s’eventu La Rocca dei Doria – Le Vie del Romanico e della Signoria dei Doria.
A sas 19,30 cantant in pratza su Coro de Iddanoa Monteleone, cun diretore Paolo Carta, e su Coro Lorenzo Pelosi de Durgali, cun diretore Donato Di Iorio.
A sas 20,30 in sa crèsia de Sant’Antoni cantant su coro Hic et Nunc de Casteddu, cun diretore Tobia Simone Tuveri, su coro islovenu Vikra, diretore Petra Grassi, e su Coro Polifonico de Ruda, diretore Fabiana Noro.
Su festival Voci d’Europa est organizadu dae su Coro Polifonico Turrritano cun sa diretzione artìstica de Laura Lambroni e faghet parte de su tzircùitu Salude&Trigu de sa Càmera de Cummèrtziu de Tàtari, cun s’agiudu de R.A.S., Fondazione di Sardegna, comunas de Portu Turres, Boruta, Santa Maria Coghinas e Monteleone.
(gm)
Leave a comment