Su cadderi de Nurri Giovanni Atzeni, mutidu Tittia, at bintu s’editzione de su Pàliu de Siena de mesaustu, rinviadu de duas dies pro s’abba. At curtu cun sa contrada de su Nicchio e su caddu Anda e Bola.
Est sa de trèighi vitòrias sua, record pro unu cadderi in atividade. Su Nicchio fiat sa contrada nonna, ca non binchiat dae prus tempu, dae austu de su 1998. Pro Atzeni est sa de bator bortas chi faghet cappotto, est a nàrrere chi at bintu sas duas curtas in su matessi annu.
Sa mossa est durada prus de un’ora, cun tres partèntzias annulladas, sa prima pro seguresa de sos caddos e sas àteras duas chi contant comente mossa nulla.
Su Nicchio at fatu totu sa gara in prima positzione, tenende a distàntzia sos aversàrios e conchistende su Pàliu pintadu dae sa rumena Teodora Exente.
Sas contradas impignadas fiant custas, in òrdine de partèntzia:
Lupa: Diodoro; Velluto (Dino Pes) de Silanos
Chiocciola: Arestetulesu; Scompiglio (Jonathan Bartoletti)
Giraffa: Euskaldi; Turbine (Elias Mannucci)
Selva: Canarinu; Grandine (Sebastiano Murtas) de Santu Lussurzu
Torre: Donrodrigo; Gingillo (Giuseppe Zedde)
Istrice: Ares Elce; Tamurè (Federico Guglielmi)
Oca: Diamante Sauro; Spago (Michel Putzu) de Sòrgono
Nicchio: Anda e Bola; Tittia (Giovanni Atzeni) de Nurri
Onda: Viso d’angelo; Virgola (Andrea Sanna) de Olìana
rincorsa Aquila: Benitos; Brigante (Carlo Sanna) de Sindia
(gianni muroni)
Leave a comment