Su Perù e sa Colòmbia tenent presidente nou. In Lima at a guvernare Keiko Fujimori, chi at bintu sas eletziones de su 7 de làmpadas. Fiat sa de bator bortas chi si presentaiat a sas presidentziales. De ratza giaponesa, fìgia de s’ex presidente Alberto, mutidu El Chinito, Fujimori tenet 51 annu.
In Bogotà imbetzes sas eletziones de su 21 de làmpadas ant bidu sa vitòria de Abelardo de la Espriella. De sa leva de su ‘78, est avocadu e ddi mutint El Tigre.
Sos duos, Fujimori e de la Espriella, tenent a cumone positziones polìticas de destra, in continuidade ideològica cun sa vitòrias in sos ùrtimos annos de Noboa in Ecuador, Kast in Tzile, Paz in Bolìvia, Peña in Paraguay e Milei in Argentina. Abarrant a sa manca sudamericana s’Uruguay de Orsi, su Brasile de Lula e su Venetzuela de Rodríguez.
(gm)
Leave a comment