Chenàbura 19 de làmpadas a sas 18:00, in Su Palatu, in Biddanoa, ant a presentare Macrocosmo sardo: l’isola che non ti aspetti, libru fotogràficu de Salvatore Canu, publicadu dae Delfino Editore.
A pustis de sos saludos istitutzionales de su sìndigu Quirico Meloni, de su retore de s’universidade Gavino Mariotti, de su presidente de sa Pro loco Enrico Fois, at a intervènnere Maria Tiziana Meloni, responsàbile de sa colletzione entomològica de su Dipartimentu de Agrària de s’Universidade de Tàtari.
Su libru est dedicadu a sa biodiversidade de Sardigna. Sa mustra de sas fotografias at a èssere aberta finas a su 9 de austu, su sàbadu e sa domìniga dae sas 18:00 a sas 20:00. Dae su lunis a sa chenàbura si podet visitare tràmite apuntamentu.
Sunt a dispositzione vìsitas ghiada cun s’autore, finas a 15 persones, prenotende a su nùmeru 3489954535 e a s’indiritzu canusalvatore@gmail.com.
Organizant Pro loco e Comuna, a intro de RigenerazioneX, a incuru dae su sòtziu Anemone. Sa mustra faghet parte de Chenamos in carrela 2026.
(gm)
Leave a comment