Martis 3 de freàrgiu in sa Bibliteca Universitària de Tàtari, in pratza Fiume, a sas 17,30 est in programma su reading musicale L’eredità delle donne di casa Lussu. Joyce Lussu e Giovanna Serri, cun s’autora de su libru Claudia Crabuzza, boghe e chiterra, e Dilva Foddai, leturas e sonete.
S’òpera, publicada dae Archivi del Sud, est su produtu de sa tesi de làurea de Crabuzza, dedicada a sa mugere de Emilio Lussu, Joyce, e a sa massaja Serri, chi at amministradu chimbanta annos sa domo e sos terrinos de sa còpia.
Ant a cantare e a lèghere sas poesias de Nazim Hikmet e Agostinho Neto, in sa tradutzione de Joyce Lussu, musicadas dae Crabuzza, e sos versos in sardu de Orlanda Sassu e de Efisio Sanna.
(gm)
Leave a comment