Immàgine dae S’Ozzastru, de Carolina Melis
Sa rassegna de pellìculas Visioni Sarde torrat occannu puru e cumintzat in Argentina.
Su 17 de ghennàrgiu ant a projetare in San Isidro chimbe curtzumetràgios: Ambasciadores de Sardigna, de Gaetano Garau e Fondazione Maria Carta, S’ozzastru, de Carolina Melis, Come siamo diventati, de Christian Pahler, Fratelli, de Matteo Manunta, Amare ancora, de Giuseppe Carrieri.
Organizat su tzìrculu de sos sardos Raíces Sardas Buenos Aires Norte, fundadu in su 1998. Su presidente est Ezequiel Nicolàs Sarno e sa segretaria Ana María Ruiu.
Visioni Sarde est nàschidu pro more de sa collaboratzione intre Cineteca di Bologna, Sardegna Film Commission e sos tzìrculos de sos sardos foras de Itàlia, cun in prus sa FASI (Federazione delle Associazioni Sarde in Italia).
(gm)
Leave a comment