Chenàbura 14 e sàbadu 15 de santandria, pro su festival FIND43, cun sa diretzione artìstica de Cristiana Camba, in Sa Manifattura, in Casteddu, sunt in programma duas dies dedicadas a sa dantza.
Su 14, a sas 21,00, andant in iscena in antis Desdemona, de sa Compagnia Artemis Danza cun coreografias de Monica Casadei, e a coa Inner Map, de su coreògrafu Giuseppe Sanniu.
In prus, semper sa die, a sas 10,00, in su Teatro Adriano, ddo’est Find Ragazzi: Consigli di viaggio, de Art’In Produzioni e a sero s’Aperidanza 2025 Solos de Amophe, cun su percussionista Angelo Valdes.
Su 15 tocat a Creatures of Interest, de su Gruppo E-Motions Ets, cun coreografias de Antonio Taurino, e in prus a Broken Bodies – Macerie, coprodutzione Gruppo E-Motion-ASMED/Balletto di Sardegna, cun coreografias de Letizia Dessì e Chiara Mameli.
Cumpletat sa die, pro sa Serata FINDER, Tracce di Note e di Corpi, a incuru de Valentina Verini e Chiara Capone, cun sas istudiantes de su cursu de II livellu in cumpositzione de sa dantza de s’Acadèmia Natzionale de Dantza de Roma.
(gm)
Leave a comment