Domìniga 16 de santandria, a sas 19,30, in sa crèsia de Santu Pedru in Silki, in Tàtari, est in programma su cuntzertu Dialoghi in armonia.
Ant a sonare sos ensemble Laguirlande de Basilea, cun Luis Martínez a su flàutu traversiere e Joan Boronat a su clavitzèmbalu, e Dolci Accenti de Tàtari, cun Daniele Cernuto a sa viola de camba e Calogero Sportato a sa tiorba, artziliutu e chiterra baroca.
Su cuntzertu, chi at a propònnere mùsicas de J.S. Bach, Martino Bitti, Johan Friedrich Ruhe e Georg Philipp Telemann, faghet parte de su festival internatzionale Note senza tempo.
(gm)
Leave a comment