Domìniga 9 de santandria Fertìlia puru at a èssere teatru de La Corsa del Ricordo, manifestatzione podìstica chi ogna annu ammentat su disterru de sos pròfugos giulianos e dàlmatas a pustis de sa Segunda gherra mundiale.
Sa bidda, in su territòriu comunale de S’Alighera, nàschida comente tzitade de fundatzione fascista, est bènnida a èssere sa domo de istrianos de Orsera, Rovigno, Pola e Parenzo.
Organizat Alghero Marathon. Sa curta, de 7,2 chilòmetros, cumintzat, a sas 10,00, e finit semper in pratza San Marco. S’iscritzione, de 10 èuros, si faghet sa die etotu, dae sas 8,30 a sas 9,45.
(gm)
Leave a comment