Foto de VaticanMedia
Oe 23 de santugaine su Papa e sos Res de su Regnu Unidu de Gran Bretagna e Irlanda de su Nord Càralu III e Camilla ant pregadu paris in sa Capella Sistina. At partetzipadu puru s’archipìscamu de York, pro sa comunione anglicana, chi at lèghidu paris cun su pontìfitze una preghiera a Deus creadore.
Sos cantos fiant a incuru de su coro de pipios de sa Capella Reale e de su coro de sa Capella de Santu Giorgi de Windsor, dae parte anglicana, e de su coro de sa Capella Sistina, dae parte catòlica.
Est istadu unu momentu istòricu bidu est sa prima borta chi su monarca capu de sa Crèsia de Inghilterra pregat in una tzerimònia pùblica paris cun su Vicàriu de Cristos.
Unu de sos temas de custa vìsita ufitziale de sos soberanos britànnicos in Vaticanu est s’unidade de sos cristianos e su caminu ecumènicu intre catòlicos e anglicanos.
(gm)
Leave a comment