Su ritiru “Assaonar” est un’esperièntzia de tres dies destinada a persones chi chèrgiant aprofundire sa relatzione cun sas limbas issoro, e mescamente pro ativistas de limbas minorizadas, chi ant a fàghere in Casa Remunda, Lleida (Catalugna), dae su 18 a su 21 de nadale de su 2025. Sa finalidade est de creare un’ispàtziu seguru pro persones chi sunt in dificultade cun sa limba issoro, s’identidade e sa cultura issoro, siat pro resones esternas (protzessos sotziales) o internas; pòdere esplorare sas emotziones assotziadas cun custu, e agatare s’armonia de sa tribù. Su ritiru contat cun sa presèntzia de unu terapèuta Gestalt in ativu chi at a partetzipare a su disinnu e esecutzione de sas dinàmicas pro annànghere seguridade a su grupu.
Cun atividades variadas de grupu, acumpangiadas dae traballu de corpus, pro si rilassare e ativare su corpus, sos partetzipantes ant a pòdere esplorare timòrias, blocos e pensamentos e iscontzare sos nodos chi lis impèigant de faeddare sas limbas de sa vida nostra cun naturalidade e cun amore – chi est sa meta colletiva nostra. Su preju incruit s’istòngiu pro tres notes, màndigu nutritivu, e totu sas dinàmicas. Cada mangianu amus a fàghere tzucadas a sa natura, si su clima lu permitit. Su ritiru at a agiuare s’intercumprensione romànica: chi cadaunu potzat faeddare sa limba materna sua durante totu sa fine de chida.
Pro informatziones subra prenotatzione e prejos: Mariona Miret Gibert, tel. 664783616, miretmariona@gmail.com
(redatzione)
Leave a comment