Domìniga 29 de làmpadas a sas 21,30 in Sa Madalena, in su palatzu comunale, est in programma su cuntzertu de Andrea Lucchi, pro su su Festival Contrasti Spring Edition.
Prima trumba solita in s’orchestra de s’Accademia Nazionale Santa Cecilia, Lucchi at a dare una master class, dae su 29 a su 2 de trìulas, in s’oratòriu San Domenico Savio, aberta a pitzocos dae sas mèdias in dae in antis finas a sos professionistas.
Paris cun issu, in su cuntzertu inaugurale, ant a sonare Laura Cocco, diretore artìsticu de su festival, a sa trumba, e Sofia Adinolfi a su pianoforte.
Su cuntzertu finale, su 2 de trìulas a sas 21,30 in pratza Garibaldi, at a tènnere s’acumpangiamentu de sos dischentes de sa master class e de sa banda San Domenico Savio.
Organizat s’assòtziu Contrapunctum paris cun Ars Aurelia de Tàtari, assòtziu de volontariadu San Domenico Caniga e su cuntributu de sa Fondazione di Sardegna. Pro informatziones: 3934632959 o associazionecontrapunctum@gmail.com.
(gm)
Leave a comment