Alessandro Novigli de Figari e Vanessa Sanna de Terranoa ant bintu duas bussas de istùdiu pro Nova York de s’iscola de tzìnema Travel on set de Figari.
Ddos ant premiados in s’apuntamentu conclusivu de s’iscola in sa sala cungressos de su Voi Colonna Village de sa bidda gadduresa.
Sos partetzipantes ant ammustradu sos talentos issoro in custa ocasione pùblica. Fiant presentes Ermelinda Maturo, chi at ideadu Travel on set paris cun Angelo Bellia, e sos professores Salvatore Taras pro sa regia, Gabriella Frigerio pro sa retzitatzione e Mattia Mustafà pro sa fotografia. Ant projetadu sas pellìculas Lo specchio dei desideri e Echoes, de Salvatore Taras e filmados de Mattia Mustafà.
Sa giuria fiat formada dae Ermelinda Maturo, Andrea Arru, Irene Dore, Loredana Cicu D’Escano e Davide Mosca. Fiant presentes su sìndigu Giuseppe Fasolino e s’assessore a sa Cultura Stefania Frau e Dora Quaranta pro s’assòtziu de volontariadu San Domenico Caniga de Tàtari, partner de su progetu.
At presentadu sa soubrette russa Vera Atyushkina.
(gm)
Leave a comment