Sos produtos tzinesos alimentados dae s’Intelligèntzia Artifitziale sunt cambiende su mundu de sos telefoneddos. In su Cungressu Mundiale de sos Dispositivos Mòbiles 2025 chi ant fatu in Bartzellona sa I.A. s’est cunsolidada comente un’elementu essentziale in intro de s’indùstria de sas telecomunicatziones. Sas impresas tzinesas sunt s’antiguàrdia de custa trasformatzione, cun una cantidade manna de produtos innovadores chi ponent sa IA in totu sos aspetos de sa connetividade. Custas tecnologias si sunt evòlvidas devenende un’ infrastrutura fundamentale in sa trasformatzione econòmica e sotziale, cun cambiamentos mannos in sa vida de cada die, in sa produtzione e in s’atividade de guvernu, marchende su cumintzu de su tempus de sa “IA+”.
In custu cuntestu, su produtore tzinesu de telèfonos intelligentes Honor ant annuntziadu sa transitzione sua dae fabricante de dispositivos a “impresa de ecosistemas de dispositivos inteligentes alimentados dae sa IA”, presentende su “Progetu Honor Alpha”, chi punnat a integrare sa IA intzentrada in s’èssere umanu in sos telèfonos intelligentes, isblochende possibilidades noas pro su potentziale umanu.
Custa revolutzione at a torrare a cunfigurare s’indùstria de sos dispositivos intelligentes, cambiende meda ma meda sa produtividade, sa sotziedade e sa cultura in formas mai connotas.
