de Salvatore Serra
S’ùrtimu agiornamentu de sa Neoloteca e de su Cercaterm tenet custas novidades:
TÈRMINES NORMALIZADOS NOOS IN SA NEOLOTECA E IN SU CERCATERM
—36 tèrmines noos normalizados dae su Cussìgiu Supervisore de su TERMCAT in sos campos de s’energia (iscàrrigu in sa retza, cobertura refletora o cobertura frita, regorta de energia), sa chirca (laboratòriu biu, èlica cuìntupla, avaloramentu de sa chirca o avaloramentu de sa connoschèntzia) e sa meteorologia e s’ambiente (atributzione climàtica, tzichìrriu caente, finantziamentu climàticu), in mesu de àteros.
Sos tèrmines noos si podent consultare in sa setzione “Noves incorporacions” (Intradas noas) de sa “Neoloteca”. In sas ischedas de sa Neoloteca si podent agatare finas sos argumentos leados in cunsideru dae su Cussìgiu Supervisore pro s’aprovatzione de cada tèrmine.
PRODUTOS TERMINOLÒGICOS NOOS IN SU CERCATERM
—Unu primu progressu de su “Diccionari d’economia i gestió” (Ditzionàriu de economia e gestione), un’òpera in cursu de elaboratzione dae bandas de su TERMCAT chi moet dae s’òpera omònima chi in su 2001 ant elaboradu e publicadu in pabiru sa “Universitat Politècnica de Catalunya” e “Enciclopèdia Catalana”. Custa prima essida collit 451 tèrmines relatzionados cun sa cadena de distributzione, su produtu e sa gestione cumertziale. In cada ischeda terminològica b’est sa denominatzione catalana cunsiderada printzipale e sas denominatziones catalanas sinònimas, si bi nd’at; sos echivalentes in ispagnolu, frantzesu e inglesu; una definitzione, e, si in casu, notas cumplementares. (Pro nàrrere, estoc coixí, maduresa e disseny d’embalatge.)
EDITZIONES NOAS E AMPLIAMENTU DE PRODUTOS TERMINOLÒGICOS GIAI PUBLICADOS IN SU CERCATERM
Sos tèrmines cuntènnidos in sa norma tècnica UNE-EN ISO/IEC 27000:2021 “Tecnologies de la informació. Tècniques de seguretat. Sistemes de gestió de seguretat de la informació. Visió de conjunt i vocabulari” e in sa norma internatzionale ISO currespondente (ISO/IEC 27000:2018). Su TERMCAT at fatu sa versione catalana de custa norma cun sa consulèntzia de ispetzialistas de s’ “Agència de Ciberseguretat de Catalunya” de sa “Generalitat de Catalunya”. Custos tèrmines intrant in parte de sos cuntènnidos de sa norma annullada UNE-EN ISO/IEC 27000:2019 chi finas a como si difundiat dae su Cercaterm. (Pro nàrrere, mètode de mesurament e propietari del risc | propietària del risc)
ISCHEDAS DE CRITÈRIOS NOOS
—2 ischedas noas, chi resument e adatant a su formadu de ischeda de su Cercaterm apuntos terminològicos publicadoss in antis in su web de su TERMCAT. (Pro nàrrere, CRITERI Intel·ligència: De facultat intel·lectual a extracció de coneixement). Custas ischedas de critèriu si podent finas consultare in sa setzione “Noves incorporacions” (Intradas noas) de su Diccionari de criteris terminològics.
TÈRMINES PUNTUALES NOOS O AGIORNADOS
—72 tèrmines de campos diferentes, partzidos in custa manera:
-
71 elaborados dae su Servìtziu de Consultas subra de chistiones e cussìgios de sos impitadores. (Pro nàrrere “descolonialitat”, in Sièntzias sotziales, e “katsu-sando”, in Alimentatzione. Gastronomia.)
-
1 elaboradu dae un’àrea de chirca terminològica de su TERMCAT. (Si tratat de “criptomoneda mem”, in Economia. Impresa.)
-
Sos tèrmines noos agiornados si podent consultare in sa setzione “Noves incorporacions” de sa “Consulteca”.