Undi èrami felmi? A lu presidenti americanu chi si vo piddà la Groenlàndia, lu canali di Pànama e finza lu Canada. Abali chi in Gaza dícini chi v’è l’arriséttu (cu’ l’amicu sóju chi però è scatinendi lu ‘nfarru illi tarritori occupati di la Cisgiordània), lu Donald à pinsatu be’ di dí chi chissi palistinesi tulmintati si ni déni andà da la tula nòtita undi v’érani li so’ ‘iti, innanzi di la distruzioni sionista. A undi déni andà? Vel di alti paisi àrabi, palchí chindi iddu vi vo fa una scera di Costa Smeralda noa. La cosa curiosa è chi chista cosa l’à ditta pròpiu lu dí chi è moltu l’Aga Khan. Forsi pinsèndisi comu lu príncipi nóu di lu turismu meditarràneu. Fitza lu ‘nnommu l’à postu a chissa tarra: “Riviera of the Midle-East”. Un’iciuta chi no è solu strúmpita (“Trump’s Gaza ‘Riviera’ plan is the most outlandish idea in the history of US Middle East peacemaking” è lu títulu di un’altículu di Cnn Politics), ma chi è lu risuntu palfettu di dui costanti di l’ommu occidentali modernu: gherra e turismu. Cu’ la pulizzia étnica in mezu a totu chistu.
mauro piredda
Leave a comment