de Salvatore Serra
Microsoft e OpenAI ant cambiadu s’acordu de collaboratzione chi ant fatu ses annos a como pro l’adatare a una fase noa de su mercadu de s’Intelligèntzia Artifitziale (IA).
Ambas duas sotziedades ant cumintzadu a traballare is pare in su 2019 cun s’idea de pònnere in campu funtzionalidades noas de elaboratzione in Azure pro ivilupare modellos de dimensiones mannas e illestrire s’avantzada de sa IA. Custu superelaboradore de Azure est su chi at fatu isvilupare GPT, su LLM de OpenAI chi impulsat su ‘chatbot’ ChatGPT, e sos megioros cunsighidos in cue nche los ant tramudados finas a sos servìtzios de Microsoft, comente Copilot.
Sas duas sotziedades ant agiornadu s’acordu, chi at a intrare in vigore in su 2030, pro l’adatare a sa fase noa de IA, faghende a manera chi OpenAI non dipendat prus in esclusiva dae su superelaboradore de Microsoft.
Microsoft, però, non solu mantenet sos deretos subra de sa propiedade inteletuale de OpenAI, est a nàrrere su modellu e s’infraistrutura, pro los implementare in sos produtos suos, ma sighit finas a èssere un’ investidore importante in OpenAI, e ambas duas sotziedades si sunt postas de acordu pro partzire sas intradas e assegurare chi ambas duas boghent profetu dae un’impreu prus mannu de sos modellos noos e betzos.
S’agiornamentu de s’acordu benit a pustis chi su presidente de sos Istados Unidos Doland Trump at annuntziadu unu disinnu pro creare una infraistrutura de intelligèntzia artifitziale in su paisu chi si narat ‘Stargate’, sa cale at a èssere in sas manos de sa ‘joint venture’ formada dae OpenAI, SoftBank e Oracle
Attività realizzata col contributo della Regione Sardegna – IMPRENTAS 2024-2025. LR 22/2018, art. 22
Leave a comment