Dae su 17 a su 19 de ghennàrgiu in Ìtiri est in programma unu laboratòriu dedicadu a s’usu de sa boghe in sa radiofonia.
Protagonista de sas atividades laboratoriales at a èssere Sergio Ferrentino, regista, condutore e autore radiofònicu, teatrale e televisivu.
In su curriculum de Ferrentino ddoe sunt, intre sas àteras cosas, sas collaboratziones cun Rai Radio Due e su programma de Rai 3 Fuori Orario, cun Enrico Ghezzi, iscritu paris cun Massimo Cirri.
Su nùmene de su laboratòriu est Sussurri e Grida e faghet parte de sas initziativas de su progetu Passavamo sulla terra…leggendo. Est finantziadu dae sa Fondazione di Sardegna e cun s’organizatzione de Mab Teatro e Fonderia Mercury.
Su costu de partetzipatzione est de 320 èuros. Pro informatziones: info@mabteatro.com e su nùmeru 3498236007.
(redatzione)
Leave a comment