Su Termcat e s'Assòtziu Europeu de Terminologia

Su  TERMCAT at leadu parte in s’assemblea generale de s’Assòtziu Europeu de Terminologia (AET), chi ocannu l’ant fata in manera virtuale.

In s’Assemblea ant tratadu argumentos  comente s’organizatzione  de su Columìngiu Europeu de Terminologia chi ant a fàghere in Innsbruck (santandria de su 2025) pro arresonare de sos disafios noos de sa pianificatzione terminològica in Europa,    sa publicatzione de un’àteru nùmeru de sa revista TSR (Terminology Science & Research) subra de  sa terminologia e sa sustenibilidade, e sa pianificatzione de s’atzione in cooperatzione prevìdida pro su primu semestre de s’annu.

S’Assòtziu Europeu de Terminologia tenet comente missione sa  de agiuare su multilinguismu, ponende a disponimentu una piataforma in su disinnu europeu de contribùere a promòvere e professionalizare s’atividade terminològica, pro nde megiorare su reconnoschimentu e istabilire pontes de cooperatzione intre organizatziones, assòtzios e entes de su setore.

In custa assemblea su TERMCAT l’ant torradu a seberare comente cumponente de su cussìgiu diretivu. Atualmente sa terminòloga Sandra Cuadrado òcupat sa secreteria esecutiva e sa tesoreria de custu organismu in representàntzia de su TERMCAT, e nde  coòrdinat sas atziones comunicativas e de cooperatzione; custu cumportat su controllu e s’impreu de sas finàntzias, su coordinamentu de sos acordos de collaboratzione cun àteras istitutziones de s’isfera terminològica internatzionale, sas atziones de cooperatzione cun sos cumponentes, sos acordos de patronadu, sa comunicatzione digitale e sa publicatzione mensile de su bulletinu.

(sa redatzione)