Nche lompet a sa versione 131 Firefox, su navigadore fìgiu de Mozilla. Intre sas novidades agatamus s’introdutzione de sos permissos temporàneos pro sos sitos (pro fàghere un’esempru, sa geolocalizatzione) bogados a manera automàtica a pustis de un’ora o cando si serrat s’ischeda.
Un’àtera funtzionalidade noa est s’anteprima visiva de sas ischedas, giai presente in sas versiones 129 e 130 in modalidade partziale: como est abilitada pro totus sos utentes e non bisòngiat prus chi l’ativent a manu. Chie lu disìgiat, podet disativare s’optzione in Cunfiguratzione – Generale boghende·nche sa seletzione dae “Ammustra un’anteprima de immàgine cando su puntadore est subra de un’ischeda”.
In sa versione 131 b’at unu megioru contra a sa collidura de sas improntas digitales: sas optziones las agatamus in sa setzione de Protetzione avantzada dae su monitoràgiu.
Sos utentes Linux ant sa disponibilidade de su navigadore nou in su repository de sos aplicativos. Chi impreat macOS o Windows, imbetzes, at a retzire un’agiornamentu automàticu.
Gianfranca Orunesu
Leave a comment
Gràtzias meda de is informatziones! <3
A propòsitu, su percursu giustu est: Cunfiguratzione – Generale – Ammustra un’anteprima de immàgine cando su puntadore est subra de un’ischeda.
Gràtzias meda de s’artìculu! <3
A propòsitu, su percursu giustu est Cunfiguratzione – Generale – Ammustra un’anteprima de immàgine cando su puntadore est subra de un’ischeda.