Domìniga 14 de trìulas in sa crèsia de Santu Gaine in Portu Turres, pro su festival Note senza tempo, s’ensemble Dolci Accenti de Tàtari paris cun su Hof-Musici de Praga, dirìgidu dae Ondrej Macek, at presentadu Scarlatti Project-Vespro della Beata Vergine.
Macek at iscobertu inèditos de Scarlatti e at detzìdidu de cumpònnere cun custos ispartidos unu vespru.
Ant sonadu e cantadu Macek, a s’òrganu, Kamila Zbořilová e Jana Kuželová, sopranos, Veronika Mráčková, contraltu, Tomáš Kočan, tenore e Ivo Michl, bassu, acumpangiados dae Daniele Cernuto a su violontzellu, Federica Are a su violone, Calogero Sportato e Antonio Fresi a sa tiorba e a s’artziliutu.
Su festival Note senza tempo, insertadu in su cartellone de Salude&Trigu, de sa Càmera de Cummèrtziu de Tàtari, est organizadu dae Dolci Accenti cun su cuntributu de Regione, Fondazione di Sardegna, comunas de Tàtari, Uri, Piaghe, Portu Turres, Sènnaru e Bultzi.
(redatzione)
Leave a comment