Su TERMCAT traduit in catalanu sa norma ISO 17065 de sos organismos tzertificadores

Su  Tzentru de Terminologia TERMCAT at elaboradu sa versione  catalana de sa  norma tècnica internatzionale UNE-EN ISO/IEC 17065:2012 “Abaloramentu de sa cunformidade. Rechisitos pro organismos tzertificadores de produtos, protzessos e servìtzios”, in su cuadru de sa collaboratzione chi mantenet cun s’Assòtziu Ispagnolu de Normalizatzione, UNE.

Custa  norma ponet in campu unu cumplessu de rechisitos chi nde depent tènnere contu sos organismos chi faghent  sas tzertificatziones  de sos produtos, protzessos e servìtzios pro mustrare chi sighint s’atividade issoro cun cumpetèntzia, coerèntzia e impartzialidade.

ISO 17065 faghet  parte de sa sèrie de normas 17000, sa cale  sudisfaghet sos istandard internatzionales chi si referint in  manera generale a s’abaloramentu de sa cunformitadade e a s’acreditamentu de produtos, protzessos o servìtzios. De custa sèrie sunt finas disponìbiles  in catalanu sas normas UNE-EN ISO/IEC 17020:2012 “Abaloramentu de sa cunformidade. Rechisitos pro su funtzionamentu de sas castas diferentes  de organismos chi faghent ispetziones” e UNE-EN ISO/IEC 17025:2017 “Rechisitos  generales pro sa cumpetèntzia de sos  laboratòrios de proa  e taradura.

A parte custu, in generale  sos sistemas de gestione chi istabilint sas normas ISO 17065, 17020 e 17025 si fundant in sos istandard de gestione de sa calidade  de sas normas  de referèntzia ISO 9000 e 9001, chi finas custas sunt disponìbiles in catalanu.

In s’elaboratzione de sa versione  catalana de sa norma ISO 17065 b’at àpidu sa consulèntzia de ispetzialistas de sa Setzione Catalana de Metrologia de sa Sotziedade Catalana de Tecnologia, filiale de s’Istitutu de Istùdios  Catalanos.

Cun custa norma su TERMCAT at giai rèndidu disponìbiles  in catalanu prus de baranta normas in campos diferentes comente s’informatzione e sa  documentatzione, sa calidade, s’ambiente, s’indústria tèssile, sas installatziones elètricas o s’indùstria gràfica.

Su  TERMCAT si interessat de s’elaboratzione de sa versione ufitzale catalana de sas normas UNE dae su 2005, cando at firmadu un’acordu de collaboratzione cun s’Assòtziu Ispagnolu de Normalitzatzione, UNE. Su protzessu chi si sighit  in sa  tradutzione de normas tenet contu de  sos rechisitos istabilidos dae sa norma internatzinale  UNE-EN ISO 17100:2015/A1:2017 de servìtzios de tradutzione. Si podent consultare sa relatzione de normas UNE disponìbiles in catalanu in su web de su TERMCAT, e sa terminologia cuntènnida in sos glossàrios de sas normas traduidas in su Cercaterm.

Pro bìdere sas normas si podet  incarcare in sos ligàmenes Associació Espanyola de Normalització UNE o  l’Associació/Col·legi d’Enginyers Industrials de Catalunya.

Ligàmene de custu artìculu:

https://www.termcat.cat/ca/actualitat/noticies/termcat-tradueix-al-catala-la-norma-iso-17065-dorganismes-certificadors?ct=t%28Butllet%C3%AD141%29

(sa redatzione)

Leave a comment